ضبع و فوق راسو تاج
يعني انت راسمالك الكلو بطولة يتيمة في أكثر من عشرة سنين احتراف .. وليت تفهم في نوعية ال effectif اللي ينجم يهز بطولة ؟ لا محالة في هالبلاد اللي اكتشفنا فيها انو Ronaldinho وما ادراك .. مايعرفش يشوط بينالتيات .. عادي يخرجلنا فكرون اخر (الفكرون هوني هو حاجة لا ترتقي لمستوى الشخص لانو مستواها الفكري تحت الصفر) يقول انو effectif الترجي اللي لاعب نصف نهائي السوبر ليڨ (مخرج فيها مازيمبي ب 3) ولاعب نهائي الشامبيونز (مخرج فيها سنداونز وما ادراك) هازز بطولة تونس بالصدفة وانو تتويج الترجي بالeffectif هذا مفاجأة. طبعا .. الفكارن اللي كيفك يجيبوهم خاطر ما يتكلفوش برشة ويسمعو الكلام وخاصة ينجمو يقولو كلام لا عندو راس لا ساس. حويجة أخرى قبل ما نسكرو الدوسي .. نعرفو اللي كلام عثمان جنيح حرقلك فيلم ال buzz اللي تعمل فيه عندك اشهرة بش فماش ما جمهور ليتوال يرضى عليك وتدبر بليصة عندهم تسترزق منها .. أما راهو الفكرون يقعد incontestablement فكرون.
كمال بن خليل : « الترجي بطل خاطر عندها الفلوس متاع حمدي » نساو الي ب60 مليار متع سليم الرياحي كملو بنقطة في البلاي اوف
البارح يخرجلنا « المحلل الفني » القدير صاحب الألقاب العديدة* طارق سالم باش قال : « في وقت سليم شيبوب الترجي ما كانتش تهز البرة من تونس » و حتى واحد في البلاتو ما صلح المعلومة و عطا الصحيح : 7 تيتروات بين إفريقيا و عرب .. بخلاف الالقاب الي تفكتنا بالهمجية و القوة كما ضد قلوب الصنوبر.
* الألقاب العديدة : بطولة عربية .. و بس.
في فترة خليل شمام، هز النجم الساحلي 9 القاب .. هذا مثال متع اعلام مزال يحب يعمل شوية حس على مواقع التواصل الاجتماعي على حساب البهامة و التقوعير و المستوى الرديء متع « chroniqueur » كيما تاج ..
حكينا على مروان تاج و المستوى الرديء, باش نحكيو على خالد التواتي و تهريجو الاعلامي. كي تصير مرة ولا زوز، قيد على ضحيكة، أما كي تتعاود برشة مرّات تولي تكرييكة. و فرحان زادة كل مرة يتمزبل على جرت زوز فرنك ياخو فيهم مل راديو.
قالك الترجي عندها علاقات ساحبي ..
يعني الرابطة الي ما شافتش الدبابز في طرح الزناطير و الصفاقسي و طبقت ورقة المقابلة الي مكتوب عليها RAS ؛ تبدل رايها بعد الدربي ! الحكم عطى ورقة لغيلان و لكن ما تقيدتش على ورقة المقابلة، إما الرابطة بكل صحة رقعة ما خذاتش على ورقة المقابلة و خذات على التقرير التكميلي للمراقب الي من المفروض يوقّف المقابلة كيف تضرب المدرب المساعد و لكن شاهد ما شافش حاجة …
على فكرة مقابلة النادي الأفريقي و النادي الصفاقسي المراقب راهو بعث تقرير تكميلي فيه دبابز … اما ما خذاوش عليه …
